Շրի Լանկայի FitsAir-ը Կոլոմբո-Երևան չվերթներ է գործարկել

«FitsAir» ավիաընկերությունը հոկտեմբերի 20-ից մեկնարկել է Կոլոմբո-Երևան-Կոլոմբո երթուղով չվերթերը: Այդ մասին հայտնում է «Զվարթնոց» միջազգային օդանավակայանը։

Թռիչքները կիրականացվեն 9 օրը մեկ հաճախականությամբ:

«Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք կապ հաստատել տեղական տուրիստական գործակալությունների հետ: Շնորհավորում ենք մեր գործընկերներին և մաղթում անվտանգ թռիչքներ»,- ասված է հաղորդագրության մեջ: