Կառավարությունը հաջորդ տարի 170 հա անտառ կտնկի

Կառավարությունը մտադիր է հաջորդ տարի 40 հա-ով ավելի շատ անտառ տնկել, քան այս տարի: Այդ մասին ասաց Շրջակա միջավայրի նախարար Հակոբ Սիմիդյանն ԱԺ մշտական հանձնաժողովների համատեղ նիստում 2025թ պետական բյուջեի մասին օրենքի նախագծի նախնական քննարկումներում:

Անտառվերականգնման և անտառապատման աշխատանքների միջոցառման ուղղությամբ հաջորդ տարի կհատկացվի շուրջ 1 մլրդ դրամ, 2024-ի նկատմամբ այն ավելացել է 160 մլն-ով: 

«Շուրջ 170 հա անտառ կտնկենք: 2024-ին 130 հա էր»,-ասաց նախարարը: