Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Amazon.com Inc.-ը նախատեսում է մինչև 2027 թվականի ավարտը ներդնել 1 միլիարդ եվրո Բելգիայում: Այս մասին հաղորդում է L’Echo թերթը։
Ներդրումները կուղղվեն լոգիստիկ ենթակառուցվածքների զարգացմանը, ինչպես նաև համագործակցության ամրապնդմանը Bpost փոստային օպերատորի և տեղական փոքր ու միջին բիզնեսների հետ։
Ընկերությունը նպատակ ունի կատարելագործել մատակարարման շղթաները՝ հնարավորություն տալով հաճախորդներին ստանալ պատվերը նույն օրը։ Այս մասին թերթը գրում է՝ հղում անելով Amazon-ի Բելգիայի և Նիդեռլանդների ղեկավար Էվա Ֆեյկտի հայտարարությանը։
L’Echo-ն նշում է, որ Amazon-ի աշխատակազմը Բելգիայում կազմում է մոտ 400 մարդ։ Վերջին տասը տարվա ընթացքում ընկերության ընդհանուր ներդրումները երկրում հասել են մոտ 800 միլիոն եվրոյի։
