Լեռնակերտում ոռոգելի հողերն ավելացել են 25 հեկտարով

 Գեղարքունիքի մարզի Մարտունի համայնքի Լեռնակերտ բնակավայրում ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում արդեն ավարտվել են ոռոգման ջրատարի կառուցման աշխատանքները, ինչի շնորհիվ այստեղ ոռոգելի հողատարածքներն ավելացել են շուրջ 25 հեկտարով։  

Ինչպես տեղեկացրին Մարտունու համայնքապետարանի աշխատակազմից, Լեռնակերտի ոռոգման ջրատարի կառուցման ծրագրի պայմանագրային արժեքը կազմել  է 46 միլիոն 270 հազար դրամ, որի 70 տոկոսը հատկացնում է ՀՀ կառավարությունը, 30 տոկոսը՝ Մարտունու համայնքապետարանը։ Շինարարական աշխատանքները մեկնարկել են 2023 թվականի հուլիսից  և արդեն ավարտական փուլում են։  Ծրագրով նախատեսվել  է կառուցել 1403 մետր երկարության ոռոգման ջրատար՝ երկաթբետոնե կիսախողավակներով։ Ծրագրի շահառուներ են համարվում 80 տնտեսություններ։

Աշխատանքներն իրականացրել է «Հայկ և Նորիկ» ընկերությունը։