Վարկային կազմակերպությունները 394.6 մլրդի վարկ են տրամադրել

Ըստ ՀՀ վիճակագրական կոմիտեի հրապարակած տվյալների՝ 2025 թվականի հուլիսի վերջի դրությամբ ՀՀ վարկային կազմակերպությունների վարկերի ծավալը 394,618 մլն դրամ (394.6 մլրդ) է։ 2024թ.-ի համադրելի ցուցանիշի համեմատ վարկերի ծավալն աճել է 58,743 մլն դրամով կամ 17.5%-ով։

Մասնավորապես ոչ ռեզիդենտներին տրամդրվել է 43,888 մլն դրամ, իսկ ռեզիդենտներին 350,730 մլն դրամ։

Ռեզիդենտներին տրամադրած վարկերի 18.3%-ը կամ 64,058 մլն դրամը բաժին է ընկնում տարադրամով վարկերին, որոնց ծավալը 2024թ.-ի հուլիսի վերջի համեմատ նվազել է 3․3%-ով։

Տրամադրած վարկերի 81.7%-ը կամ 286,672 մլն դրամը բաժին է ընկնում ՀՀ դրամով վարկերին,որոնց ծավալը 2024թ.-ի հուլիսի վերջի համեմատ աճել է 18․5%-ով։