Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Կառավարությունն իր այսօրվա՝ փետրևվարի 6-ի նիստում Արժույթի միջազգային հիմնադրամի կառավարիչների խորհրդի կողմից ընդունված քվոտաների 16-րդ վերանայման հիմքով Հայաստանի քվոտայի աճի վերաբերյալ Հայաստանի Հանրապետության անունից համաձայնություն տալու մասին որոշում կայացրեց:
Ներկայում ԱՄՀ-ում Հայաստանի քվոտան կազմում է 128.8 միլիոն ՀՓԻ (Հատուկ փոխառության իրավունք), որը կազմում է ԱՄՀ ընդհանուր քվոտայի 0.03%-ը, և համաձայն որի՝ Հայաստանին բաժին է ընկնում ԱՄՀ կառավարիչների խորհրդի ձայների 0.05%-ը: ԱՄՀ քվոտաների16-րդ վերանայման արդյունքում Հայաստանի Հանրապետության քվոտան ևս առաջարկվում է ավելացնել 50%-ով՝ մինչև 193.2 միլիոն ՀՓԻ:
Քվոտաների 16-րդ ընդհանուր վերանայմանշրջանակներում ներպետական գործընթացը պատշաճ կազմակերպելու նպատակով առաջարկվում է ընդունել «Արժույթի միջազգային հիմնադրամի կառավարիչների խորհրդի կողմից ընդունված քվոտաների 16-րդ վերանայման հիմքով Հայաստանի Հանրապետության քվոտայի աճի վերաբերյալ Հայաստանի Հանրապետության անունից համաձայնություն տալու մասին»Հայաստանի Հանրապետության Կառավարության որոշումը, որով կապահովվեն Հայաստանի Հանրապետության քվոտայի աճին բաժանորդագրության հետագա գործընթացները:
Նախագծի ընդունմամբ կապահովվի ստորագրված պայմանագրի կապակցությամբ ստանձնված պարտավորությունների կատարումը:
