Հունաստանը ողջունել և պատմական է որակել ԵՄ խորհրդի որոշումները Հայաստանի վերաբերյալ

Հունաստանը ողջունել է Եվրոպական խաղաղության հիմնադրամից Հայաստանին աջակցություն տրամադրելու և Երևանի հետ վիզայի ազատականացման երկխոսություն սկսելու շուրջ ԵՄ-ի ընդունած որոշումներն՝ դրանք անվանելով պատմական։

Այդ մասին նշված է Հունաստանի արտաքին գործերի նախարարության X-ի միկրոբլոգում կատարված գրառման մեջ։

#Greece welcomes the #EU’s historic decision to provide European Peace Facility #EPF assistance & launch visa liberalisation dialogue w/ #Armenia. Strengthening EU-Armenia Partnership fosters democracy, peace & regional stability.@MFAofArmenia

— Υπουργείο Εξωτερικών (@GreeceMFA) July 24, 2024

«Հունաստանը ողջունում է Եվրոպական խաղաղության հիմնադրամից Հայաստանին աջակցություն տրամադրելու և Երևանի հետ վիզայի ազատականացման երկխոսություն սկսելու շուրջ ԵՄ-ի պատմական որոշումները», – նշել է Հունաստանի ԱԳ նախարարությունը՝ հավելելով, որ ԵՄ-Հայաստան գործընկերության ամրապնդումը նպաստում է ժողովրդավարությանը, խաղաղությանը և տարածաշրջանային կայունությանը: