Լիբանանում ավելի քան 570 հազար մարդիկ վերադառնում են տուն հրադադարից հետո

Լիբանանում ավելի քան 570 հազար ներքին տեղահանվածներ վերադառնում են տուն հրադադարի հայտարարումից հետո։ Այդ մասին տեղեկացրել է Լիբանանում ՄԱԿ հումանիտար հարցերի համակարգման վաչության ներկայացուցչությունը։

Ինչպես նշվել է փաստաթղթում, նոյեմբերի 28-ի դրությամբ ավելի քան 578,6 հազար ներքին տեղահանվածներ սկսել են վերադառնալ իրենց տներ հրադադարից հետո։

Դա կազմում է 899,7 հազար ներքին տեղահանվածների մոտ 65 տոկոսը, որոնք գրանցվել էին 2023թ. հոկտեմբերի 8-ից մինչեւ 2024թ. նոյեմբերի 25-ը։ Զեկույցում նաեւ նշվել է, որ ներքին տեղահանվածների ընդհանուր թվի 51 տոկոսը կանայք են, 49 տոկոսը՝ տղամարդիկ։