Սրբուհի Գալյանը նշանակվել է արդարադատության նախարարի պաշտոնում

Հայաստանի նախագահ Վահագն Խաչատուրյանը ստորագրել է հրամանագիր Սրբուհի Գալյանին արդարադատության նախարար նշանակելու վերաբերյալ։ Հրամանագիրը հրապարակվել է ՀՀ նախագահի պաշտոնական կայքում։

Սրբուհի Գալյանը 2020 թվականի սեպտեմբերից զբաղեցնում էր գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալի պաշտոնը։

Հոկտեմբերի 1-ին Գրիգոր Մինասյանը հրաժարական էր ներկայացրել ՀՀ արդարադատության նախարարի պաշտոնից։

«Քաղաքացիական պայմանագիր» կուսակցության վարչությունը հոկտեմբերի 29-ին որոշել էր ՀՀ արդարադատության նախարարի պաշտոնում առաջադրել Սրբուհի Գալյանի թեկնածությունը։