Ուրուգվայում ՀՀ դեսպանն ու Կանելոնեսի նահանգապետն անդրադարձել են տարբեր ոլորտներում գործակցությանը

Ուրուգվայում Հայաստանի Հանրապետության դեսպան Մարիամ Գևորգյանը աշխատանքային այց է կատարել Կանելոնես նահանգ և հանդիպում ունեցել նահանգապետ Մարսելո Մետեդիերայի հետ:

Այդ մասին հայտնում է Ուրուգվայում ՀՀ դեսպանության մամուլի ծառայությունը։

ՀՀ դեսպանության հաղորդմամբ՝ հանդիպման շրջանակներում կողմերը քննարկել են առևտրատնտեսական, մշակութային և զբոսաշրջային ոլորտներում երկկողմ համագործակցության հնարավորություններին առնչվող մի շարք հարցեր: