Ռուսական շամպայնի վաճառքի մանրածախ շուկայում հասել է 70%-ի

Ռուսական փրփրուն գինու (շամպայն) վաճառքի մասնաբաժինը մանրածախ ցանցերում կազմում է ընդհանուրի գրեթե 70%-ը, անշարժ գինիները՝ մոտ 52%-ը։ Այս մասին Իննոպրոմ միջազգային ցուցահանդեսում ՏԱՍՍ-ին տված հարցազրույցում ասել է ՌԴ արդյունաբերության և առևտրի փոխնախարար-պետքարտուղար Վիկտոր Եվտուխովը։

«2018 թվականից ռուսական գինու վաճառքն ավելացել է 35%-ով, եթե մենք շարունակենք աշխատել այս ուղղությամբ, ինչպես նաև եթե գինու արտադրությունն ավելանա, ապա վաճառքը նույնպես կաճի»,- ասել է փոխնախարարը։

Նա նշել է, որ սպառողն արդեն «ճաշակել» է հայրենական արտադրանքը և հասկացել, որ այն չի զիջում արտասահմանյանին: