Ձայնային ֆիշինգից պաշտպանության հարթակ՝ Հարավային Կորեայում

Հարավային Կորեայում ներկայացրել են ձայնային ֆիշինգի կիրառմամբ խարդախության դեմ պաշտպանության նոր համակարգ՝ հիմնված արհեստական բանականության տեխնոլոգիաների վրա: 

AI-based Anti-Phishing Sharing & Analysis Platform (ASAP) անունը կրող հարթակը համատեղ մշակվել է ֆինանսական հաստատությունների եւ պետական մարմինների կողմից՝ տարբեր ոլորտներում կասկածելի գործունեության վերաբերյալ իրական ժամանակում տվյալների փոխանակումը ապահովելու համար։

Ֆինանսական անվտանգության ինստիտուտի կողմից կառավարվող ASAP-ը ապահովում է ֆիշինգային տեղեկատվության փոխանակումը 130 ֆինանսական հաստատությունների միջեւ, ներառյալ զոհերի հաշիվների, կասկածելի գործարքների, կեղծ փաստաթղթերի եւ վնասակար հավելվածների վերաբերյալ տվյալները։ 

Համակարգը խարդախ գործունեությունը հայտնաբերելու եւ արգելափակելու համար օրինաչափությունների վերլուծություն է կատարում՝ նախքան սպառողներին վնաս հասցնելը։