Հայաստանում նախատեսվում է կառուցել  Wildberries-ի լոգիստիկ կենտրոն

Wildberries-ը  ծրագրում է լոգիստիկ կենտրոն կառուցել Հայաստանում։ Այս մասին  ասել է շուկայի գործադիր տնօրեն Տատյանա Բակալչուկը՝ Arka-ին տված հարցազրույցում։

Բակալչուկն այժմ աշխատանքային այցով Հայաստանում է։ Նա կհանդիպի հանրապետության ղեկավարության հետ՝ քննարկելու երկրում լոգիստիկ կենտրոնի կառուցման հարցը։

Wildberries-ի հիմնադիրը վստահություն է հայտնել, որ լոգիստիկ կենտրոնը զգալիորեն, եթե ոչ տասնյակ անգամներ, կբարելավի տեղի ձեռներեցների հնարավորությունները, որպեսզի նրանք կարողանան հարմարավետ առևտուր անել Հայաստանից։ Սա հատկապես վերաբերում է միկրո և փոքր բիզնեսին, որոնց համար հաճախ անհնար է ինքնուրույն լուծել Ռուսաստան արտահանման լոգիստիկ խնդիրները։