«Գրեմմի»-ի ժամանակ ձերբակալվել է մրցանակի արժանացած ռեփեր Քիլլեր Մայքը

Ռեփեր Քիլլեր Մայքը (Killer Mike) փետրվարի 5-ին տեղի ունեցած «Գրեմմի» մրցանակաբաշխության ժամանակ երեք մրցանակի արժանանալուց հետո ձերբակալվել է։ Այդ մասին հաղորդում է Associated Press-ը։

Killer Mike is taken away in handcuffs at https://t.co/9ImDm1bpFW Arena after winning 3 #Grammys pic.twitter.com/1IUBU0IQb6

— The Hollywood Reporter (@THR) February 5, 2024

Ոստիկանության խոսնակ Մայք Լոպեսը հայտարարել է, որ ռեփերին ձերբակալել են նույն օրը՝ մոտավորապես ժամը 16։00-ին տեղի ունեցած վիճաբանության պատճառով։

Ռեփերին ավելի ուշ բաց են թողել։ Նա պետք է Լոս Անջելեսում դատարանի առաջ կանգնի փետրվարի 29-ին։

Քիլլեր Մայքը «Գրեմմի»-ի ժամանակ արժանացել էր «Լավագույն ռեփ կատարում» և «Լավագույն ռեփ երգ» մրցանակներին «Scientists & Engineers» երգի համար, ինչպես նաև «Լավագույն ռեփ ալբոմ» մրցանակին՝ «Michael» ալբոմի համար։