Ոստիկանությունը վարորդներին հորդորում է երթևեկել ձմեռային անվադողերով

Հաշվի առնելով այն հանգամանքը, որ հանրապետության որոշ հատվածներում ձյան տեսքով տեղումներ են, Ոստիկանությունը վարորդներին հորդորում է երթևեկել ձմեռային անվադողերով:

«Հանրապետության որոշ հատվածներում ձյան տեսքով տեղումներ են: Հաշվի առնելով եղանակային պայմաններն ու ճանապարհածածկույթի վիճակը՝ հորդորում ենք հատկապես բարձրադիր մարզեր ուղևորվելիս երթևեկել բացառապես ձմեռային անվադողերով, խստորեն պահպանել ճանապարհային երթևեկության կանոնները»,- նշված է ոստիկանության տարածած հաղորդագրության մեջ: