Մարդու իրավունքների պաշտպանի աշխատակազմի ներկայացուցիչները հուլիսի 23-ին հերթական այցն են իրականացրել «Արմավիր» քրեակատարողական հիմնարկ: Նպատակն էր գնահատել ազատությունից զրկված օտարերկրացի անձանց կենցաղային, սանիտարահիգիենիկ պայմանները, մարդու իրավունքների պաշտպանության վիճակը։ ՄԻՊ-ից հայտնում են, որ քննարկումներ են իրականացվել ՔԿՀ-ի վարչակազմի հետ՝ հասկանալու նրանց մարտահրավերներն ու մտահոգությունները։ Ըստ ՔԿՀ-ի վարչակազմի տրամադրած տվյալների՝ հուլիսի 23-ի դրությամբ ՔԿՀ-ում պահվում էր 180 օտարերկրացի, այդ թվում՝ ապաստան հայցողներ։ Արձանագրվել ...

Երեւանի գլխավոր հատակագծի մշակման աշխատանքները ավարտված են, շրջակա միջավայրի նախարարությունում փորձաքննության են. առաջիկայում կունենանք նաեւ հանրային լսում, որից հետո ամփոփելով փաթեթը կներկայացնենք քաղաքաշինության կոմիտե: Այս մասին այսօր՝ հուլիսի 29-ին, Երեւանի քաղաքապետարանի գործակարգավարական խորհրդակցության ժամանակ նշեց «Երևաննախագիծ» ինստիտուտի տնօրեն Անդրանիկ Սեդոյանը: Քաղաքապետ Տիգրան Ավինյանը խնդրեց տրամաբանված ժամանակացույց ներկայացնել. «Եկեք այնպես պլանավորենք մեր աշխատանքները, որ սեպտեմբերին Երեւանի ավագանու առաջին մեր նիստին ավագանու ...

Երկուշաբթի նավթի գներն աճում են Մերձավոր Արևելքում լարվածության աճի պայմաններում: Իսրայելի ռազմաօդային ուժերի ինքնաթիռներն անցած կիրակի մի շարք հարձակումներ են իրականացրել հարավային Լիբանանի վրա և ռմբակոծել չորս քաղաքներ, լիբանանյան լրատվամիջոցներին վկայակոչելով՝ հայտնել է թուրքական Anadolu գործակալությունը։ The Jerusalem Post պարբերականը, վկայակոչելով լիբանանյան աղբյուրներին, հայտնել է, որ Իսրայելի պաշտպանության ուժերը թիրախների զանգվածային հրետանային ռմբակոծություններ են իրականացրել Լիբանանի տարբեր շրջաններում։ Հարձակումները պատասխանն ...

Երեւանի տարածքում Երեւանի ավագանու որոշմամբ հաստատված հավելվածի պահանջների կատարումն ապահովելու նպատակով համապատասխան գրություններ են ուղարկվել վարչական շրջանների ղեկավարներին, վերջիններս իրենց հերթին համապատասխան ծանուցագրեր են ոուղարկել անշարժ գույքի սեփականատերերին կամ այն օգտագործող անձանց՝ իրենց հարակից տարածքում պարտադիր բարեկարգման, այդ թվում ոչ պիտանի տրանսպորտային միջոցների, հենակմախքների եւ այլ իրերի  տեղափոխման աշխատանքները կազմակերպելու նպատակով: Այս մասին այսօր՝ հուլիսի 29-ին, Երեւանի քաղաքապետարանի գործակարգավարական հերթական ...

2023 թվականին վերարտադրողական օժանդակ տեխնոլոգիաներով (ԷԿՈ) բուժօգնության ծրագրով ծնված 159 երեխաներից 28-ը եղել են զոհված զինծառայողների քույրեր եւ եղբայրներ, իսկ 2024-ին հունվար-հուլիսին 271 երեխայից 16-ն են զոհված զինծառայողների քույրեր ու եղբայրներ: Այս մասին այսօր՝ հուլիսի 29-ին, «Ընդլայնվում է վերարտադրողական օժանդակ տեխնոլոգիաներով (ԷԿՈ) բուժօգնությունից օգտվելու իրավունք ունեցող քաղաքացիների շրջանակը» թեմայով մամուլի ասուլիսի ժամանակ նշեց ՀՀ առողջապահության նախարարության մոր և մանկան առողջության ...

Երևան քաղաքում տարբեր այգիներում, կանաչ զանգվածներում  տարբեր վարձակալության պայմանագրեր տարիներով եղել են խնդրահարույց: Այս մասին այսօր՝ հուլիսի 29-ին, գործակարգավարական նիստի ժամանակ ասաց Երևանի քաղաքապետ Տիգրան Ավինյանը: «Այդ այգիներն այն տեսքի ու նշանակության չեն բերվել, ինչը եղել է իրենց հիմնադրման օրվանից:  Պետք է պոտենցիալ գործող ու նոր վարձակալների հետ բացենք նոր խոսակցություն, որ այդ այգիները, բացի իրենց բիզնես նպատակներից, նաև մարդկանց ...

Հյուսիսային Օսիայի Վերին Լարս անցակետում ռուս-վրացական սահմանը հատելուն սպասող բեռնատարների հերթը կազմում է ավելի քան 2700 ավտոմեքենա։ Դրա մասին հայտնել է Հյուսիսային Օսիայի Ճանապարհային երթևեկության կազմակերպման կենտրոնի կայքը։ Հուլիսի 29-ի առավոտվա դրությամբ երթևեկության էլեկտրոնային հերթում գրանցվել է 2734 բեռնատար։ Դրանցից 847-ը հայկական համարանիշներով են։ Հիշեցնենք, որ հուլիսի 26-ին Վերին Լարսի անցակետով երթևեկությունն արգելվել էր սելավահոսքի պատճառով, ավելի ուշ ճանապարհը բացվել ...

Վայոց ձորի մարզային փրկարարական վարչության ճգնաժամային կառավարման կենտրոն հուլիսի 28-ին տեղեկություն է ստացվել, որ «Խոսրովի անտառ» պետական արգելոցի «Երանոս» տեղամասի հատվածում ծուխ է նկատվում։ Ինչպես տեղեկանում ենք Փրկարար ծառայության տարածած հաղորդագրությունից, պարզվել է, որ հրդեհը բռնկվել է կայծակի հետևանքով. այրվում է ծառ: Հրդեհը մեկուսացվել է ժամը 17։16-ին, մարվել՝ 17։46-ին, մասամբ այրվել է 1 գիհու ծառ:

Հայաստան-Թուրքիա սահմանին հուլիսի 30-ին տեղի կունենա ԱԺ փոխնախագահ, Թուրքիայի հետ հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանի և Հայաստանի հետ հարաբերություններին կարգավորման գործընթացում Թուրքիայի հատուկ ներկայացուցիչ Սերդար Քըլըչի հանդիպումը։ Այդ մասին հայտնում է ՀՀ ԱԳ նախարարի մամուլի խոսնակ Անի Բադալյանը։  «Հայաստան-Թուրքիա սահմանին հուլիսի 30-ին տեղի կունենա հատուկ ներկայացուցիչների 5-րդ հանդիպումը»,- «Ֆեյսբուք»-ի իր էջում գրել է Բադալյանը:

Ադրբեջանի պաշտպանության նախարարությունն ապատեղեկատվություն է տարածել: Այդ մասին հայտնում են Հայաստանի Հանրապետության պաշտպանության նախարարությունից:  «Ադրբեջանի պաշտպանության նախարարության տարածած հաղորդագրությունը, թե իբր հուլիսի 28-ին ժամը 17:40-ի սահմաններում ՀՀ ԶՈՒ-ին պատկանող կվադրոկոպտերը հետախուզական թռիչքներ է իրականացրել սահմանագոտու հարավարևելյան հատվածում, չի համապատասխանում իրականությանը»,- նշված է ՊՆ-ի տարածած հաղորդագրության մեջ: