ԶՊՄԿ ճաշարանը երկու հերթափոխով ամեն օր սննդով է ապահովում կոմբինատի մոտ 4500 աշխատակցի։ Ճաշարանի 85 աշխատակիցների գերակշիռ մասը կանայք են։

Վատիկանի Առաքելական գրադարանի «Սիքստինյան» սրահում կայացել է ռեժիսոր Արամ Մանուկյանի «Սիգմա» հայկական կարճամետրաժ ֆիլմի ցուցադրությունը։ Ինչպես տեղեկանում ենք ԿԳՄՍ նախարարության տարածած հաղորդագրությունից, միջոցառման շրջանակում ֆիլմին շնորհվել է Վատիկանի հեղինակավոր «Parole Aperte» մրցանակը։ Վատիկանում ֆիլմի ցուցադրությանը հայկական պատվիրակության մասնակցությունն ապահովվել է ՀՀ կրթության, գիտության, մշակույթի և սպորտի նախարարության, Հայաստանի կինոյի հիմնադրամի ֆինանսական աջակցությամբ։ «Սիգմա» կարճամետրաժ ֆիլմի բեմադրող ռեժիսորն Արամ Մանուկյանն է, ...

Աշխարհի խոշորագույն հումքային բորսաների առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 0.16%-ով և կազմել 69.21 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 0.29%-ով և կազմել 73.22 դոլար: Նավթի չափման միավորը բարելն է: Մեկ բարելը կազմում է 158.98 լիտր: ...

NYMEX բորսայի առևտրային նստաշրջանի արդյունքում սահմանվել են ոսկու, արծաթի և պլատինի հետևյալ գները. Ոսկու գինն աճել է 0.07%-ով և կազմել 3021.10 դոլար, արծաթի գինն աճել է 1.58%-ով և կազմել 34.15 դոլար, իսկ պլատինի գինն աճել է 0.58%-ով և կազմել 972.30 դոլար: Չափման միավորը 1 տրոյական ունցիան է (31.1 գրամ): Նյու Յորքի NYMEХ-ն (New York Merchantile Exchange) ամերիկայն ֆյուչերսային բորսա է, ...

ԱՄՆ ֆոնդային բորսաների առևտրային նստաշրջանների արդյունքները հետևյալն են. Արդյունաբերական Dow Jones ինդեքսն աճել է 0.01%-ով և կազմել 42587.50 կետ, լայն սպառման շուկաների S&P 500 ինդեքսն աճել է 0.16%-ով և կազմել 5776.65 կետ, իսկ բարձր տեխնոլոգիաների Nasdaq ինդեքսն աճել է 0.46%-ով և կազմել 18271.86 կետ: Dow Jones ինդեքսը ֆոնդային շուկայի ցուցանիշներից մեկն է, որը ստեղծվել է Wall Street Journal թերթի խմբագրի ...

Եվրոպական ֆոնդային բորսաների առևտրային նստաշրջանների արդյունքները հետևյալն են. Գերմանական DAX ինդեքսն աճել է 1.13%-ով և կազմել 23109.79 կետ, ֆրանսիական CAC 40 ինդեքսն աճել է 1.08%-ով և կազմել 8108.59 կետ, բրիտանական FTSE ինդեքսն աճել է 0.30%-ով և կազմել 8663.80 կետ, իսկ ռուսական RTSI ինդեքսը չի փոխվել և կրկին կազմել է 1144.79 կետ:

Մեն կղզին՝ Անգլիայի հյուսիս-արեւմուտքում գտնվող Բրիտանական թագի ինքնավար կառույցը հավանություն է տվել օրինագծին, որը թույլ կտա մահացու հիվանդ չափահաս մարդկանց ընտրել իրենց կյանքին վերջ տալու իրավունքը, հայտնել է Reuters-ը։ Նշվել է  որ օրինագիծը նպատակ ունի թույլ տալ այն մարդկանց, որոնց 12 ամսից քիչ է մնացել ապրելու, օգնություն ստանալ իրենց կյանքին վերջ տալու համար՝ կղզին պոտենցիալ առումով դարձնելով առաջինը Բրիտանական կղզիներում, որտեղ անբուժելի հիվանդ մարդիկ օրինական իրավունք կունենան վերջ դնելու իրենց կյանքին: Ցանկացողները պետք է լինեն 18 տարեկանից բարձր, գրանցված լինեն Մեն կղզում ընտանեկան բժշկի մոտ եւ հինգ տարի ապրած լինեն կղզում: Մարդիկ պետք է որոշում կայացնելու կարողություն ունենան, որը պետք է վավերացված լինի երկու անկախ բժիշկների կողմից: «Մեն կղզու խորհրդարանն այսօր ընդունել է ինքնակամ մահվան մասին օրինագիծը, որն այժմ կներկայացվի Մեծ Բրիտանիայի արդարադատության նախարարություն՝ համաձայնության համար»,- նշվել է հաղորդագրությունում: Օրինագիծը հավանության է արժանացել՝ չնայած մոտ 84 հազար բնակչություն ունեցող կղզում որոշ հակասական ձայների: 2023թ. Մեն կղզու բժշկական հասարակության կողմից 108 բժիշկների հարցումը ցույց է տվել, որ 74 տոկոսը դեմ է օրինագծին, իսկ 34 տոկոսն ասել է, որ կմտածի լքել կղզին, եթե դա օրենք դառնա:

Մոտ 3,5 միլիոն սիրիացիներ, որոնք վերջին 14 տարիների ընթացքում զինված հակամարտությունների պատճառով դարձել են փախստականներ եւ ներքին տեղահանվածներ, պատրաստ են հաջորդ տարվա ընթացքում վերադառնալ իրենց նախկին բնակության վայրերը, եթե առկա լինեն անհրաժեշտ կենսապայմաններ։ Նման պայմանների ստեղծումը ներդրումներ կպահանջի երկրի վերակառուցման եւ զարգացման համար, ասել է ՄԱԿ գլխավոր քարտուղարի հումանիտար հարցերով տեղակալ Թոմ Ֆլեթչերը։ Նա ՄԱԿ Անվտանգության խորհրդի նիստում ելույթ է ունեցել Սիրիայում տիրող իրավիճակի վերաբերյալ։ Ելույթի տեքստը հրապարակել է ՄԱԿ հումանիտար հարցերի համակարգման վարչությունը: «Մենք պետք է գործենք մեծ հրատապությամբ՝ ներդրումներ կատարելու համար Սիրիայում վերականգնման, վերակառուցման եւ զարգացման գործում», – ասել է Ֆլեթչերը։ «Սրա համար չափազանց կարեւոր կլինի ծառայությունների ընդլայնումը: ՄԱԿ փախստականների հարցերով գերագույն հանձնակատարի տվյալներով՝ 3,5 միլիոն ներքին տեղահանվածներ եւ փախստականներ պատրաստ են հաջորդ տարի վերադառնալ իրենց տները, հիմնական պայմանների՝ բնակարան, էլեկտրականություն, ջուր, սանիտարական պայմաններ, կրթություն, աշխատանք առկայության դեպքում»: Ինչպես ընդգծել է ՄԱԿ գլխավոր քարտուղարի տեղակալը, դա կպահանջի «ներդրումներ եւ ժամանակ»՝ հաշվի առնելով «[Սիրիայի նկատմամբ] գործող պատժամիջոցների եւ այլ սահմանափակումների բարդ ցանցը, ինչպես նաեւ ավերածությունների եւ կարիքների մասշտաբները»:

ԱՄՆ իշխանությունները 7 միլիոն դոլար կվերադարձնեն կեղծ կրիպտոարժույթների պլատֆորմների զոհերին։ Վիրջինիայի Արևելյան շրջանի ԱՄՆ դատախազության տվյալներով՝ հանցագործները վստահելի հարաբերություններ են կառուցել օգտատերերի հետ, այնուհետև նրանց ուղղորդել են կեղծ կայքեր: Ավանդադրումից հետո միջոցներն անցել են կեղևային ընկերությունների ավելի քան 75 բանկային հաշիվներով, այնուհետև ուղարկվել արտասահման՝ քողարկված որպես ներքին փոխանցումներ: Կայքերը զոհերին խոստանում էին բարձր եկամուտներ իրենց ենթադրյալ ներդրումներից: Սակայն միջոցները հանելու փորձ կատարելիս խարդախները պահանջել ...

ՖԻՖԱ-ն հաստատել է ֆուտբոլի 2025թ․ աշխարհի ակումբային առաջնության մրցանակային հիմնադրամն ու գումարի բաշխման սկզբունքը։ Մրցանակային ընդհանուր գումարը 1 միլիարդ դոլար է։ Հաղթողը կարող է ստանալ առավելագույնը 125 միլիոն դոլար, հաղորդում է ՖԻՖԱ-ի կայքը։ 475 միլիոն դոլարը 32 մասնակիցների միջեւ կբաշխվի մարզական նվաճումների, 525 միլիոն դոլարը՝ աշխարհի ակումբային առաջնությունում մասնակցության եւ արդյունքների համար։ Ակումբային առաջնությունը կանցկացվի ամռանը ԱՄՆ-ում։