Եվրոպական ֆոնդային բորսաների առևտրային նստաշրջանների արդյունքները հետևյալն են. Գերմանական DAX ինդեքսը նվազել է 1.24%-ով և կազմել 22999.15 կետ, ֆրանսիական CAC 40 ինդեքսը նվազել է 0.95%-ով և կազմել 8094.20 կետ, բրիտանական FTSE ինդեքսը նվազել է 0.05%-ով և կազմել 8701.99 կետ, իսկ ռուսական RTSI ինդեքսը չի փոխվել և կրկին կազմել է 1144.79 կետ:

Եվրամիությունը 5,8 մլրդ եվրո կհատկացնի Սիրիային, ասել է Եվրահանձնաժողովի ղեկավարի տեղակալ Դուբրավկա Շուիցան, որից 4,2 մլրդ եվրոն կփոխանցվի Սիրիային դրամաշնորհների, իսկ 1,6 մլրդ եվրոն՝ վարկերի տեսքով։ «Երկիրը մնում է շատ աղքատ, շատ փխրուն, եւ եթե մենք աջակցություն չտրամադրենք, այդ փխրունությունը կվատթարանա եւ կարող է խաթարել ձեռք բերված առաջընթացը»,- DW-ին ասել է ՄԱԿ Նախագծերի սպասարկման գրասենյակի (UNOPS) ղեկավար Խորխե Մորեյրա դա Սիլվան: Ամենախնդրահարույց ոլորտների թվում նա թվարկել է ջրամատակարարումը, տրանսպորտը, էներգետիկան, կրթությունն ու առողջապահությունը։ Միեւնույն ժամանակ, ՄԱԿ ներկայացուցիչն ընդգծել է, որ երկրի վերականգնման ծրագիրը պետք է մշակվի հենց Սիրիայում, եւ հույս հայտնել, որ մյուս երկրները կհետեւեն Եվրամիության օրինակին, որն աստիճանաբար վերացրել է Դամասկոսի դեմ պատժամիջոցների մի մասը։

Մարդու իրավունքների պաշտպանի մշտադիտարկման արդյունքներն արձանագրում են, որ կյանքի բոլոր ոլորտներում, այդ թվում՝ ընտանիքում, ուսումնական հաստատություններում, երեխայի խնամք և պաշտպանություն իրականացնող հաստատություններում, համացանցում, երեխաները շարունակում են ենթարկվել տարբեր տեսակի բռնությունների, իսկ այդ դեպքերի բացահայտման, կանխարգելման ու արձագանքման գործուն մեխանիզմները բացակայում են։ Հաշվի առնելով հարցի հրատապությունն ու անհետաձգելի միջոցառումների ձեռնարկման անհրաժեշտությունը՝ Մարդու իրավունքների պաշտպանը հրապարակել է «Երեխայի նկատմամբ բռնության դեպքերի բացահայտման, ...

Եվրոպայում գազի պաշարները ստորգետնյա պահեստարաններում ավելի քան երեք տարվա ընթացքում առաջին անգամ իջել են 35%-ից և 39 միլիարդ խմ-ից պակաս են: Ստորգետնյա գազապահեստարաններից արդյունահանումը կրկին փոքր-ինչ արագացել է թեթևակի ցրտի ֆոնին: Ջեռուցման սեզոնի սկզբից ԵՄ գազապահման օբյեկտներից զուտ դուրսբերումը գերազանցում է 67 միլիարդ խմ: ԵՄ երկրների ստորգետնյա պահեստարաններից գազի դուրսբերումը մարտի 16-ին կազմել է 256 միլիոն խմ: Ընթացիկ ջեռուցման սեզոնում ...

2025 թվականի առաջին եռամսյակի ընթացքում 12-ամսյա գնաճը մոտեցել է նպատակային ցուցանիշին՝ փետրվարին կազմելով 2․5%: Միաժամանակ, 12-ամսյա բնականոն գնաճը պահպանվել է ցածր մակարդակում՝ կազմելով 1.5%: Կենտրոնական բանկից հայտնում են, որ առաջին եռամսյակում համաշխարհային եւ Հայաստանի հիմնական գործընկեր երկրներում տնտեսական աճի դանդաղման եւ գնաճի արագացման ռիսկերը էականորեն ավելացել են: «Մասնավորապես՝ միջազգային ապրանքահումքային շուկաներում եւ հիմնական գործընկեր երկրներում գների աճի եւ առաջարկի արժեշղթաների ...

«Հայկական ավիաուղիներ» ավիաընկերությունը հայտարարում է, որ ապրիլի 7-ից ժամանակավորապես դադարեցնում է թռիչքները՝ «պայմանավորված ինքնաթիռային պարկի թարմացմամբ եւ նոր օդանավերի ձեռքբերմամբ:«Բոլոր այն ուղեւորները, որոնք ունեն ամրագրված կամ ձեռք բերված տոմսեր ապրիլի 6-ից հետո, խնդրում ենք դիմել այն կազմակերպությանը, որի միջոցով գնել են տոմսը՝ գումարի ամբողջական հետվերադարձ կատարելու համար։Եթե ավիատոմսը ձեռք եք բերել «Հայկական ավիաուղիների» կայքից, ապա խնդրում ենք ձեր հայտն ուղարկել ...

Մարտի 5-ին Հայաստանը միջազգային կապիտալի շուկայում հաջողությամբ տեղաբաշխել է 750 մլն ԱՄՆ դոլար ծավալով 10 տարի մարման ժամկետով եվրապարտատոմսեր` 7.1% եկամտաբերությամբ: Ֆինանսների նախարարությունից հայտնել են, որ նոր եվրապարտատոմսերի արժեկտրոնի եկամտաբերությունը կազմում է 6.75%: «Սա Հայաստանի կողմից միջազգային կապիտալի շուկայում եվրապարտատոմսերի հինգերորդ թողարկումն է: Եվրապարտոմսերի թողարկումը նախատեսված է 2025 թվականի պետական բյուջեի մասին ՀՀ օրենքով, ներառված է 2025 թվականի փոխառությունների ծրագրում: ...

Եվրասիական տնտեսական հանձնաժողովը (ԵՏՀ) պաշտոնական ծանուցում է ստացել Իրանից՝ Եվրասիական տնտեսական միության եւ Իրանի միջեւ ազատ առեւտրի համաձայնագրի ուժի մեջ մտնելու համար անհրաժեշտ ներպետական ընթացակարգերի ավարտի մասին։ 2025 թվականի հունվարին Իրանը ծանուցվել էր ԵԱՏՄ-ում բոլոր ընթացակարգերի ավարտի մասին։ ԵՏՀ առեւտրի նախարար Անդրեյ Սլեպնեւը հայտնել է, որ համաձայնագիրն ուժի մեջ կմտնի 2025 թվականի մայիսի 15-ից։ «Նոր համաձայնագրի իրականացումը արդյունավետ գործիք կդառնա ...

Հուլիսի 2-5-ը Կենտրոնական բանկի Դիլիջանի ուսումնահետազոտական կենտրոնում տեղի կունենա ամառային դպրոց: Այն կազմակերպվում է Երեւանի տնտեսագիտական դպրոցի (Yerevan Economic School) եւ Չիկագոյի համալսարանի՝ Հարստության անհավասարության հետազոտությունների Սթոուն կենտրոնի (Stone Center for Research on Wealth Inequality) հետ համագործակցությամբ։ Ամառային դպրոցը նախատեսված է ասպիրանտների, դոկտորանտների եւ երիտասարդ դասախոսների համար՝ անկախ նրանց բնակության վայրից։ Ծրագրի շրջանակում կլինեն խորացված դասախոսություններ անհավասարության հետազոտման արդի մեթոդների ...

Հայաստանի փոխվարչապետ Մհեր Գրիգորյանն ընդունել է «Wizz Air» ընկերության կոմերցիոն եւ գործառնական գլխավոր տնօրեն Մայքլ Դելեհանթի գլխավորած պատվիրակությանը: Փոխվարչապետի գրասենյակից հայտնել են, որ հանդիպմանը Մհեր Գրիգորյանը կարեւորել է ընկերության գործունեությունը Հայաստանում՝ «ընդգծելով դրա նշանակությունը զբոսաշրջության եւ մարդկանց շարժունակության ակտիվացման տեսանկյունից»: «Զրուցակիցները քննարկել են Հայաստանում «Wizz Air» ընկերության գործունեության ընդլայնման հնարավորությունները՝ ինչպես Երեւանի «Զվարթնոց» միջազգային, այնպես էլ Գյումրի քաղաքի վերանորոգված օդանավակայանների ...