2021-2024թթ. արձանագրվել է պարեկային ոստիկանության ծառայողներին կաշառք տալու 96 դեպք։ Այս մասին ապրիլի 16-ին Ազգային ժողովի նիստում հայտնել է ներքին գործերի նախարար Արփինե Սարգսյանը՝ կառավարության 2024թ. (2021-2026թթ.) ծրագրի կատարման ընթացքի եւ արդյունքների հաշվետվության ներկայացման ժամանակ։ Մասնավորապես, Երեւանում արձանագրվել է կաշառք տալու 67 փորձ, որոնք արձանագրվել են հենց պարեկային ծառայության կողմից, իսկ մարզերում՝ 29 դեպք։ «Բնականաբար, այս բոլոր դեպքերում պարեկային ծառայության աշխատակիցները բերման են ենթարկել այն իրավախախտներին, որոնք համարձակվել են կաշառք առաջարկել իրավակարգի ներկայացուցչին»,- հավաստիացրել է Սարգսյանը։

Այսօրվա դրությամբ Հայաստանում կան 570 հազար դրամ աշխատավարձ ստացող քրեական ոստիկանության աշխատակիցներ։ Այս մասին ապրիլի 16-ին Ազգային ժողովի նիստում հայտնել է ներքին գործերի նախարար Արփինե Սարգսյանը՝ կառավարության 2024թ. (2021-2026թթ.) ծրագրի կատարման ընթացքի եւ արդյունքների հաշվետվության ներկայացման ժամանակ։ Նրա խոսքով՝ ատեստավորումն անցնելուց հետո ապահովվել է քրեական ոստիկանության աշխատակիցների աշխատավարձերի կրկնակի բարձրացում։ «2024թ. ատեստավորման հայտ է ներկայացրել ոստիկանության 4 063 աշխատակից, այն կարողացել է ավարտել 1 031 աշխատակից»,- տեղեկացրել է Սարգսյանը։

Միայն Զանգեզուրի պղնձամոլիբդենային կոմբինատի (ԶՊՄԿ) հարցում Հայաստանի Հանրապետությանը վերադարձվել է մոտ 1 մլրդ դոլար: Այդ մասին ապրիլի 15 – ին ԱԺ ամբիոնից հայտարարել է ՀՀ վարչապետ Նիկոլ Փաշինյանը: «Հայաստանի Հանրապետությանն է պատկանում ԶՊՄԿ-ի բաժնետոմսերի 21,8 տոկոսը՝ իմ խոստման համաձայն։ Միայն այդ բաժնեմասի շուկայական արժեքը կազմում է մի քանի հարյուր միլիոն դոլար»,- ասել է Փաշինյանը՝ խոսելով թալանված միջոցները Հայաստանի բյուջե վերադարձնելու ...

Հայաստանի Հանրապետության ներքին գործերի նախարար Արփինե Սարգսյանը Ոստիկանության մասնագիտական տոնի առթիվ շնորհավորական ուղերձ է հղել: Ուղերձն ամբողջությամբ ներկայացնում ենք ստորև.  «Ներքին գործերի նախարարության ոստիկանության սիրելի՛ ծառայողներ,Նախարարության ողջ անձնակազմի և անձամբ իմ անունից շնորհավորում եմ Ոստիկանության մասնագիտական տոնի առթիվ: Արդեն երրորդ տարին է, ինչ Ոստիկանությունը գործում է հայաստանյան անվտանգային դաշտի նոր դերակատարի՝ ժողովրդավարական կարևոր ինստիտուտ հանդիսացող Ներքին գործերի նախարարության քաղաքացիական վերահսկողության ...

Վերջին երեք տարիների ընթացքում Հայաստանի Հանրապետության քաղաքացիություն ստանալու դիմումների թիվը էականորեն աճել է։ Ազգային ժողովում ՀՀ կառավարության ծրագրի (2021-2026 թթ.) 2024 թվականի կատարման ընթացքի և արդյունքների վերաբերյալ քննարկումների ընթացքում այս մասին հայտարարեց ՀՀ ներքին գործերի նախարար Արփինե Սարգսյանը։ «Հայաստանի Հանրապետության քաղաքացիություն ստանալու դիմումների աճ ունենք, որը վերջին երեք տարիների կտրվածքով, կարելի է ասել, եռապատկվել է՝ տարեկան կտրվածքով անցնելով 20 հազարը։ ...

Հայաստանի կրթության, գիտության, մշակույթի և սպորտի նախարար Ժաննա Անդրեասյանը շնորհավորական ուղերձ է հղել Հայ կինոյի օրվա կապակցությամբ: Ինչպես տեղեկանում ենք ԿԳՄՍ նախարարության տարածած շնորհավորանքից, ուղերձում նշված է.  «Հարգելի՛ կինոգործիչներ, շնորհավորում եմ ձեզ Հայ կինոյի օրվա կապակցությամբ։ Այս օրը հնարավորություն է վերագնահատելու հայկական կինոյի անցած ուղին և երախտագիտությամբ հիշելու բոլոր նրանց, ովքեր կերտել ու պահպանել են այն՝ որպես մեր մշակույթի ինքնատիպ ...

Հայաստանի մարդու իրավունքների պաշտպան Անահիտ Մանասյանը շնորհավորական ուղերձ է հղել Հայաստանում եզդիական համայնքի Նոր տարվա՝ Մալաքե Թաուսի առթիվ առթիվ: ՄԻՊ գրասենյակի տարածած շնորհավորական ուղերձում ասված է.  «Հայաստանում եզդիական համայնքի սիրելի՛ ներկայացուցիչներ,Ի սրտե շնորհավորում եմ ձեզ Նոր տարվա՝ Մալաքե Թաուսի առթիվ: Այս տոնը Հայաստանում ապրող եզդիներին թող բերի խաղաղություն, առողջություն, բարեկեցություն և երջանկություն: Մշտապես եմ ընդգծում, որ ազգային փոքրամասնությունների իրավունքների պաշտպանությունն ...

Պարեկային ծառայություն ընդունվելու համար սահմանված տարիքային վերին շեմը՝ 35 տարեկանը, կհանվի: Այդ մասին ԱԺ–ում հայտնեց ՀՀ ներքին գործերի նախարար Արփինե Սարգսյանը:  «Արդեն իսկ ՆԳՆ–ի կողմից շրջանառության մեջ է դրված օրենսդրական փոփոխությունների նախագիծ, որով հանվում է տարիքային վերին շեմը, այսինքն՝ 35 տարեկանի կանոնը դուրս է գալիս: Կարևոր է այն, որ կադրերին ընտրում ենք՝ հաշվի առնելով նրանց ֆիզիկական տարբեր տվյալները, որոնք պետք ...

Երևանի մետրոպոլիտենի գործարկումից ի վեր` ավելի քան 40 տարի անց, կատարվում է շարժասանդուղքների փոխարինում: Ինչպես տեղեկանում ենք Երևանի քաղաքապետարանի տարածած հաղորդագրությունից, գործընթացը մի քանի կայարաններում արդեն ավարտվել է: Ընթացքի մեջ են «Սասունցի Դավիթ», առաջիկայում նաև՝ «Զորավար Անդրանիկ» կայարանում շարժասանդուղքների նորացման աշխատանքները: «Վերջին երկու տարվա ընթացքում Երևանի մետրոպոլիտենում իրականացվել է 6.3 միլիարդ դրամի ներդրում՝ ենթակառուցվածքների արդիականացման համար: Հաճախ չերևացող այս աշխատանքների ...

Ըստ ՀՀ կենտրոնական բանկի տվյալների 2025թ․-ի փետրվարի դրությամբ վարկային կազմակերպությունների ակտիվները կազմել են 788,439 մլն դրամ։ 2024թ.-ի համադրելի ցուցանիշի համեմատ արձանագրվել է աճ 10.1%-ով։ Պարտավորությունները կազմել են 368,902 մլն դրամ։ 2024թ.-ի համադրելի ցուցանիշի համեմատ արձանագրվել է աճ 11․9%-ով։ Հաշվեկշռային ընդհանուր կապիտալը կազմել է 419,537 մլն դրամ։ 2024թ.-ի համադրելի ցուցանիշի համեմատ արձանագրվել է աճ 8.5%-ով։ Ընթացիկ ժամանակաշրջանի չբաշխված շահույթը կազմել է 21,396 մլն դրամ։ 2024թ.-ի համադրելի ...